الموضوع: المحاضره الأولى تنمية وتخطيط إقتصادى - تجارة المنصورة

المحاضره , الأولى , المنصورة , تجارة , تنمية , إقتصادى , وتخطيط

السلام عليكم ورحمة الله وبركاته

محاضره رقم 1 فى مادة التنميه والتخطيط الإقتصادى
لدكتور / طارق غلوش

***************************

الدكتور قال فى بداية المحاضره إن الكتاب عباره عن جزأين أول جزأ نزل فى المكتبه العصريه والتانى لسه والكتابين فى حدود 400 ورقه على بعض والماده فيها أجزاء نظرى وأجزاء عملى العملى بيتمثل فى أساليب رياضيه معينه للتخطيط الإقتصادى والماده بسيطه جداً وإن شاء الله تنجحوا فيها كلكم .

وبدأ النقاش بين الطلاب والدكتور فى مواضيع خارج المحاضره وده النقاش :

وإحنا بعد الثوره فى الوقت الحالى محتاجين نوع من الإنفتاح على ثوره تنمويه جديده بالكامل فكل واحد لازم ينمى كل وظيفه ومكان بينتمى ليه وإنت دلوقتى بتنتمى لكلية تجاره يبقى تنمى كلية تجاره لأن المفروض علينا كلنا دلوقتى إن إحنا نزود معدلات التنميه فى مصر .
وفيه فرق بين النمو الإقتصادى والتنميه الإقتصاديه يعنى مثلاً لو إنت معاك 100 جنيه وبعد كام سنه ال100 جنيه بقى 120 هو ده النمو الإقتصادى هنا كل الناس بدأت تتكلم عن النمو والتنميه الإقتصاديه ولكنها تختلف من شخص لآخر يعنى مثلاً لو سألنا عن معيار السعاده لكل واحد فيكم عمرنا كلنا مهنثبت على إجابه واحده وهتختلف آرائنا ولو قلنا مصر دوله زراعيه ولا صناعيه هنختلف .
والناس اللى بيروى أراضيهم من مياه لنيل مع إن العلم أثبت إن ري الأراضى من النيل بيسبب تسرب أملاح الأراضى دى فى النيل مع النفايات من المصانع والإهمال لحد ما بقى النيل بالفعل غير صالح للإستخدام الآدمى والعالم الخارجى بيعتبر مصر هى مثال للمنطقه العربيه كلها فإذا صحت مصر صحت المنطقه بأسرها وإذا مرضت مصر مرضت المنطقه كلها .
وترجع فكرة زيادة نسبة الإنتحار فى مصر إلى قلت التنميه الإقتصاديه فالسويد بتعانى من نسبه كبيره من الإنتحار برده بس ده يرجع لعوامل كتيره منها الطقس اللى ممكن يؤدى إلى الإكتئاب للبعض وغيره وغيره من أسباب كتيره .
الدكتور : أنا عشت 7 سنوات فى السويد وعارف أحوالهم هو مش علشان معندهمش دين زى ما بتقولو لكن فى أسباب كتير يعنى فى مواسم الشمس مبتطلعش فيها إلا 4 أو 5 ساعات فى اليوم لدرجة إنهم حاولو يعملو شمس إصطناعيه لكن مستوى المعيشه ومتوسط دخل الفرد هناك كويس جداً .
صاحبى حس إن الكلام ده ملوش علاقه بالماده قفل الكشكول وقعد يسمع . وأرجو تقبل إعتذارى أنا بس حبيت أنقلكم إللى حصل فى المحاضره .

************************************************** *********

أنا طبعاً بعتذر عن سوء تنظيم المحاضره المكتوبه بس أنا محضرتش المحاضره أصلاً
لما الدكتور إتأخر مشيت من المدرج زى أكتر من نص الموجودين وقلت إن المحاضره إتلغت
لما روحت البيت صاحبى كلمنى وقالى إن الدكتور جه وهو حضر المحاضره رحت جبتها منه أصله بيته قريب منى
واحد هيقولى وإحنا مالنا يا عم الحاج دلوقتى بالكلام اللى إنت بتقوله ده هقوله أنا آسف عالإطاله بس الدكتور دخل المدرج
الساعه 12 وتلت بعد معاده بساعه وتلت المهم جبتها وحاولت على قد ما أقدر إنى أنظمها معرفتش لأن كان فى ناس كتير
بتسأل الدكتور أسئله بره المحاضره ويخرجو من موضوع يدخلو فى موضوع تانى فأنا قولت أنزلها وخلاص وأعمل اللى عليا .

تعليقات الفيس بوكـ

المصدر: منتدى كلية التجارة جامعة المنصورة

---

hglphqvi hgH,gn jkldm ,jo'd' Yrjwh]n - j[hvm hglkw,vm hgH,gn hglkw,vm j[hvm jkldm Yrjwh]n

يكفي حبك للمساهمة والمساعدة اسماعيل

تسلم لمجهودك الجميل ،، وياريت تستمر ،،

تقبل مروري

شكراً يقين لردك اللى زادنى شرف
أنا بجد والله كان نفسى أجيب محاضره مفيده
بس ده اللى لقيته وقلت أنزله عشان الناس اللى مشيو
كلهم يعرفو اللى حصل فى المحاضره وأكيد لو حد جاب المحاضره
كامله يا ريت ينزلها ونشيل التوبيك ده عشان الناس تستفيد بجد

فعلا يا عز
يكفي محاولتك دي
ومساهمتك
وربنا يجعله في ميزان حسناتك