الموضوع: محاضرة المحاسبة الحكومية والقومية والموزانه العامة للدولة ،، دكتور مصطفى الغندور

للدولة , محاضرة , مصطفي , المحاسبة , الحكومية , العامة , الغندور , دكتور , والموزانه , والقومية , ،،

سلامـ عليكمـ ورحمة الله وبركاتهـ

وحشنى انى اعمل موضوع جديد فى التعليمى ،، تعالوا نحكى حدوته محاضرة المحاسبة الحكومية والقومية

نبتدى منين .. نبتدى منين!!
تعالوا نبتدى من اسم الماده "المحاسبة الحكومية والقوميه"

يععنى محاسبتين ؟؟
اه بالظبط الكلام صحيح محاسبتين ،، بس فى الترم الاول هاتبقى اسم المادة المحاسبة الحكومية والقوميه ا ، وفى الترم التانى هاتبقى المحاسبة الحكومية والقومية ب

مممم معنى كدة ان هناخد محاسبة حكومية وقوميه الترم دة
لا ،، مش بالظبط كدة ..
الغريب ان الدكتور وضح ان المادة هاتبقى حكومية ترم اول وقوميه ترم تانى ،، طب لية دى مش كتاب ودى كتاب ونفصل الاسم
هانعرف فى المحاضرات الجاية ونجاوب على السؤال ده

جيبنا سيرة الدكتور مينفعشى تعد غير اما نقول كام ملحوظة ،،
شخصية قوية ،، عنده كاريزما ،، ممنوع الكلام بمزاجك اثناء المحاضرة "بدل مايكون غصب عنك"
واهم الممنوعات هو ان ممنوع الدخول وراة
سالت اصحابنا فى الفرقه الرابعه عنه وتعالوا نخصص ،، سالت حمادة ايجى قاللى انه دكتور تمام
سكة الدكتور ده ايه :
المحـــــاضره

ماشى الحال ؟؟ -تمام وزى الفل

تعالوا ندخل بقى ف المحاضرة نفسها ..
-لكل فرع من فروع المحاسبة نظام تطبيقى ،، اذا خرج عنه خرج عن ذلك التطبيق
ايه الكلام دة
هنجاوب فى السكه واحنا ماشيين

المؤسسات الحكومية :
المؤسسات الحكومية بشكل عام بتنقسم لنوعين
ا-اقتصاديه" تهدف الى الربح
ودى بنستخدم فيها نظم محاسب موحد

2-خدمية :هدفها تقديم الخدمة الى المواطن
ودى بقى بنستخدم فيها المحاسبة الحكومية :المادة للى بندرسها:

من الجمله اللى فاتت على طول يبقى اول معلومة هى :
تستخدم المحاسبة الحكومية فى المؤسسات التى لا تهدف الى تحقيق ربح
سواء كانت بتقدم الخدمة مجانى او بتقدمها باجر مخفض

طب تعالوا اقولكم سر ..
الكتاب بتاعنا على الغلاف بتاعه مش بس مكتوب المحاسبة الحكومية والقوميه
فى كلمة تانيه مكتوبة على الغلاف وهى:
الموازنه العامه للدولة

موازنه .. مش دى الكلمة اللى قارفة اهلنا فى النشرة ؟؟
ايون هى ،،
تعالوا نتكلم نها كلام بسيط اوى اوى اوى

موازيه .. ميزانيه
اكيد كلنا فاكرين ان الميزانيه كنا بنقولها على حاجة انتهت فانا بعمل لها ميزانيه
طب الموازنه
لا الموازنه بقى العكس .. الموازنه هو اللى جاى ، السنه المالية الجديدة
يعنى الدولة من 1/7 :31/6 هاتصرف ايه وهايجيلها ايرادات ايه
؟

طب مش الميزانيه كانت طرفين مصروفات وايرادات تقريبا "دحيحة المحاسبة هما اللى اكيد فاكرين"
طب والموازنه بقى ؟؟
الموازنه استخدامات وموارد ،، يعنى زيها بالظبط

فى اوروبا والبلاد المتقدمه عندهم الموازنه العامه دى بتمر بمراحل لحد ماتوصل لمرحلة نهائئة تثبت عندها
تعالوا بقى نشوف هما شغالين ازاى وفى ايجيبت شغالين ازاى
بلاش شغالين عشان الكلمة دى عيب
خلينا نقول بيشتغلونا ازاى

اولا مرحلة وهى -الرقابه او الاعتمادات
بعد دة يكتشفوا عيوبها فاينقلوا لـ موازنة برامج او اداء
فايكتشوا يوب قاينقلوا لموازنه التخطيط والبرمجة
واخيرا يبقوا فى مرحلة موازنه على الاساس الصفرى

طب مصر شغاله بأى طريقة
بالظبط كدة زى مانتوا توقتوا
شغاله بالرقايه او الاعتمادات

طب يعنى ايه الرقابه او الاعتمادات؟
ايه هى المرحلة دى ؟ تعالوا نتكلم فى النقطة دى باستفاضة
يعنى مبلغ من المال يخصص لغرض ما ، ولا يستخدم لغير الغرض الذى خصص من اجلة

طب افرض مثلا انا عاطيك 10 جنيه هاتلى كريب وفضل معاك باقى
هاتلى بقى الباقى وانا غلطان انى اديتلك 10 والدور الجاى هتاخد تلاتة
طب افرض الكريب ب8
مش مشكلتى
انا اديتك 10 يبقى تجيبى الكريب ب10
"معلشى جاى من الجامعة ومش لاقى حد فى البيت يجيبلى اكل "

طب تعالوا نعرف بقى الميزانيه العامه للدولة اللى احنا بنلف حواليها من ساعتها
:
قائمة تتضمن تقديرات استخدامات وموارد عن السنه المالية القادمه

ايه رايك فى كلمة تقديرات ؟؟
استخدمناها فى تانيه وكانت بتتكلم عن الماضى مع الميزانيه يبقى مش ينفع تكون هنا
طب نخليها تنبؤات
بردوا التنبؤ ممكن يكون سلبى وان مش اغير او ااثر على النتايج اللى هاتيجى
طب نخليها تنبؤ ايجابى
والتنبؤ الايجابى هو التخطيط
يبقى نشيل كلمة تقديرات ونكتب تخطيط

واحنا بنعمل الموازنه عندنا شوية قواعد :
تعالوا نشوفها بسرررعه
-سنوية الموازنه
معناها ان مدة الموازنه سنــه
-وحدة الموازنه
-توازن الموازنه
-مرونة الموازنه
-عمومية الموازنه
-مبدا عدم التخصيص

النقط دى اللى الدكتور هايبتدى بها المحاضرة الجايه
يارب اكون خفيف ليكم والمحاضرة تكون واضحة
و
كل سنه وانتم طيبين

تعليقات الفيس بوكـ

المصدر: منتدى كلية التجارة جامعة المنصورة

---

lphqvm hglphsfm hgp;,ldm ,hgr,ldm ,hgl,.hki hguhlm gg],gm KK ];j,v lw'tn hgyk],v lphqvm lw'td hglphsfm hgp;,ldm hguhlm hgyk],v ];j,v ,hgl,.hki ,hgr,ldm

مجهود رااائع منك درش
والدكتور شخصية محترمة و قوية
وان شاء الله يون مادته سهلة باذن الله

شكرا درش ،،

فعلا الدكتور مصطفى الغندور شخصية قوية جدا ومرحه جدا
الشغل شغل والهزار هزار
بس احب اقول حاجة لطلبة الفرقة التالتة شعبة محاسبة وادارة اعمال
الدكتور مصطفى الغندور كان درسلنا السنة اللى فاتت مادتين فى سنة تالتة
هما اصول المراجعة في التيرم الاول
والقومية في التيرم التانى
خلى بالك نصيحة منى ليكم يا سنة تالتة
اهم حاجة عند الكتور مصطفى
المحاضرة
ثم المحاضرة
ثم المحاضرة
اهم حاجة تحضر المحاضرة وتفهم وتكتب وراه
سواء الكلام النظري اللى بيمليه او الامثلة العملية
السنة اللي فاتت جابلنا الامتحان 90 % بالنص والمسائل بالارقام من المحاضرة
فيا ياريت تكونو حريصين جدا على محاضرة الدكتور مصطفى الغندور
وبالتوفيق ان شاء الله

كل ده حصل وانا مش موجوده
سبحان الله

تسلم يا مصطفي

مجهود مميز منك

دمت موفق

تسلم يا نجم منتظرين المزيد
وكل سنه وانته طيب

بس بجد دكتوووور جامد

شكرا يا مايسترو بجد
مجهود جميل جدا
باين عليها ماده كويسه بس يا ريت تفضل كدا للاخر
بالتوفيق ليك وللجميع ان شاء الله