قصيدة متزعليش كامله ... هشام الجخ .. كلمات + mp3

**The Black Rose** · 09-11-2011, 04:05 PM

.. , ... , متزعليش , الجخ , mp3 , هشام , قصيدة , كلمات

متزعليش لو يوم قالولك إنه مش باين عليه أثر الفراق
وإنه مش بيجيب في سيرتك وإنه عادي
لا بان عليه أثر الفراق ولا فيه ألم ولا فيه اشتياق

حجاش قصيده كتبها فيكي
هي دي اللي طلعتي بيها
أما هو خلاص نسيكي
عادته ولا هيشتريها
وإحنا قولنالك زمان مبتسمعيش
فمتزعليش

ثم هو مكنش نقوه
كان بيتأخر عليكي بالساعات
وكان مفلس
وشكله يعني مكانش هو

كل أصحابك عابوه
أهو غار في داهيه
وبكره يركع تحت رجلك سيد ابوه

بس يمكن كان حنين حبتين
هما بس حبتين
كان برضه بيسخف عليكي
كنتي فين ؟
ورايحه فين ؟
وجايه منين ؟

بس كان بيبان عليه
لما اسمك ييجي في الكلام
تلمع عليه

بس برضه كان سخيف
مكنش بيقدر ظروفك
كام مره قولتي مستحيل ويصر برضه إنه يشوفك
ومتزعليش
من قساوة الدنيا وعنادها العجيب
أنا كنت فاكر نفسي اقوي من النصيب
وكنت بتريق علي اللي مكملوش

مين كان يقول إن النهايه تكون فاشوش ؟؟

أنا لسه فاكر وقفتك وسط البنات
فاكر هدومك وابتسامتك والكلام
حتي السكات

لو كان فراقنا صحي فيكي كام وجع
أنا كل ليله بتدبح من الذكريات

أنا عندي ركن بحط فيه كل الحاجات
كل القصايد والألم
كل البنات
جيت اركنك جواه ... رفض
ومكافاكيش
فمتزعليش
وإن جم قالولك إنه مش باين عليه اثر الفراق
متصدقيش

أنا لما ثبتك ... كل حاجه اتغيرت
ريحة الشوارع والدكاكين القديمه والبيوت
كإني ببدأ من جديد رحلة حياتي
أو بموت

حسيت كإني نهيت حياتي ... خنقتها
أنا كنت متخانق معاكي وقتها
مكنتش اقصد أقولك امشي مترجعيش
بس أنتي كنتي صغيره .... مفهمتيش

الطبع غلاب وأنتي عارفه
كنتي لازم تعذريني
معرفتش اترجاكي وأنتي بتدبحيني
ربونا ع الهيبه
وع الحب بقيامه
وإن لما البت تتقل يوم عليك .... بالسلامه

صدقيهم لو قالولك إني عصبي
أو فالاتي
وإني بعرف ألف واحده وقلبي بيغير يوماتي
صدقيهم لو قالولك أي كدبه عن حياتي
بس اوعي تصدقيهم لو قالولك إنه كان كداب معاكي محبكيش

وإن جم قالولك إنه مش باين عليه أثر الفراق

متصدقيش

للتحميل

أضغط هنـــا

تعليقات الفيس بوكـ

المصدر: منتدى كلية التجارة جامعة المنصورة

rwd]m lj.ugda ;hlgi >>> iahl hg[o >> ;glhj + mp3 >>> lj.ugda hg[o mp3 iahl rwd]m

**المايسترو** · 09-11-2011, 04:28 PM

ايه رايك بقى فى اللى يرخم عليكى ويقولك انى معدل متزعليش اللى انا كنت منزلها وكاتبها كامله من امبارح

القصيدة تحفة بجد
وعشان خاطر هشام بس هاسيبهالك

**The Black Rose** · 09-11-2011, 04:33 PM

والله يا مصطفي بجد معرفش
هي طبعا حفلته كانت امبارح مع إني كنت في كايرو بس معرفتش احضرها
وحد حضرها ولقيته مسجلي كل القصائد الجديده وبعتهالي

وانا من ساعتها بسمع متزعليش وعماله اعيط
فعشان كده القصيده دي بالذات مينفعش تتمسح
عشان انت مش عارف هي عامله فيا ايه

**المايسترو** · 09-11-2011, 04:44 PM

انا عارف انها مجنناكى اصلا من قبل ماتكمل ...

انا بقى من امبارح معايا القصايد كامله صوت وانا اللى كاتبها بايدى

المهم تشتغل على الراديو على طول عشان تاخد حقها فى الانتشار لانها تستاهل جداااااا

..

**The Black Rose** · 09-11-2011, 05:35 PM

المشاركة الأصلية كتبت بواسطة المايسترو

انا عارف انها مجنناكى اصلا من قبل ماتكمل ...

انا بقى من امبارح معايا القصايد كامله صوت وانا اللى كاتبها بايدى

المهم تشتغل على الراديو على طول عشان تاخد حقها فى الانتشار لانها تستاهل جداااااا

..

شوف بقي كانت مجنناني من قبل ما تكمل

والله بجد هيجرالي حاجه بسببها

حد ييجي الحقني ويخلي هشام يبطل اللي بيعمله فيا ده

**الفرعون العاشق** · 09-13-2011, 05:45 PM

الجزء اللي قلته ليكي ومعجبكيش قلتلك جامد ولسة شايفه جامد
تقريبا فيا عرق صعيدي وانا مش عارف

صدقيهم لو قالولك إني عصبي
أو فالاتي
وإني بعرف ألف واحده وقلبي بيغير يوماتي
صدقيهم لو قالولك أي كدبه عن حياتي
بس اوعي تصدقيهم لو قالولك إنه كان كداب معاكي محبكيش
وإن جم قالولك إنه مش باين عليه أثر الفراق
متصدقيش
الجزء ده اروع خصوصا اني كتبت نفس المعنى من يومين
هقولك على القصيدة كويسة
ومتزعليش انتي كمان
بس انا شايف ليه افضل
وخاصة بعد حتة اقوى من النصيب
والناس اراء ومتزعليش

**The Black Rose** · 09-13-2011, 06:12 PM

المشاركة الأصلية كتبت بواسطة الفرعون العاشق

الجزء اللي قلته ليكي ومعجبكيش قلتلك جامد ولسة شايفه جامد
تقريبا فيا عرق صعيدي وانا مش عارف

صدقيهم لو قالولك إني عصبي
أو فالاتي
وإني بعرف ألف واحده وقلبي بيغير يوماتي
صدقيهم لو قالولك أي كدبه عن حياتي
بس اوعي تصدقيهم لو قالولك إنه كان كداب معاكي محبكيش
وإن جم قالولك إنه مش باين عليه أثر الفراق
متصدقيش
الجزء ده اروع خصوصا اني كتبت نفس المعنى من يومين
هقولك على القصيدة كويسة
ومتزعليش انتي كمان
بس انا شايف ليه افضل
وخاصة بعد حتة اقوى من النصيب
والناس اراء ومتزعليش

ما هو لازم هيعجبك ومش هيعجبني طبعا عشان انا بنت

وبعدين القصيده رائعه
مش كويسه بس

وبعدين حتت النصيب دي
فهو بيقول انه كان غلط
لانه عارف اني مش هيكون اقوي من النصيب

وحاضر مش هزعل

منورني يا كيمو